Pardesi

Kənddəki zülmdən və haqsızlıqdan qurtulmaq istəyən Şiva daha yaxşı güzəran qurmaq üçün şəhərə iş dalınca yollanır. Lakin böyük şəhərdə onun bəxti gətirmir: törətmədiyi ağır cinayətdə nahaq yerə suçlanan gənc mühakimə edilir və hakim onun barəsində ölüm hökmü çıxarır.

Bir müddət sonra hakim məsum bir insanı cəzalandırdığını anlayır. Elə bu zaman o, əsl qatil olan və Şivaya iki damla su kimi bənzəyən Şankar adlı cinayətkarla qarşılaşır. Vicdan əzabı çəkən hakim dəhşətli səhvini düzəltmək üçün həmin bu bənzəri Şivanın kəndinə göndərməyi qərara alır.

Hindistan istehsalı olan «Pardesi» döyüş filmi 1993-cü ildə rejissor Rac N. Sippi tərəfindən ekranlaşdırılıb. Filmin əsas obrazlarını Mitxun Çakraborti, Sumalatha, Varşa Usqaonkar və İqbal Durrani canlandırıb.