İtirəcək heç nə yoxdur

Uğurlu reklam agenti Nik Bim gözlənilmədən sevimli həyat yoldaşını öz rəhbəri ilə yataqda yaxalayır. Baş verən xəyanətdən sarsılan və çaşqınlıq içində qalan kişi sükan arxasına əyləşərək hara gəldi maşını sürməyə başlayır.

Elə həmin an küçələrdə asan qazanc axtarışında olan uğursuz bir quldur peyda olur. Nikin avtomobilini görən bu silahlı soyğunçu onu növbəti qurbanı seçmək qərarına gəlir və onların yolları gözlənilməz şəkildə kəsişir.

1997-ci ildə ABŞ-da çəkilmiş «Nothing to Lose» komediya filminin rejissoru Stiv Odekerkdir. Ekran əsərinin baş rollarında Tim Robbins və Martin Lourens çıxış edirlər.