Sooryavansham

Kənd ağsaqqalı Bhanu Pratap yerli sakinlər arasında böyük hörmətə malikdir və müqəddəs günəş sülaləsinin varisi sayılır. Onun üç oğlundan ikisi tam itaətkar olsa da, inadkar xasiyyətli Hira atası ilə razılaşmır. Ailə qaydalarına boyun əyməyən gənc sonda doğma evindən qovulur.

Atasının narazılığına baxmayaraq, Hira sevdiyi qız Radxa ilə evlənir və öz həyatını qurmağa başlayır. Kənarda qalan oğul hər kəsə və ilk növbədə ailəsinə günəş sülaləsinin layiqli nümayəndəsi olduğunu əməlləri ilə sübut etməyə çalışır.

«Sooryavansham» dramatik döyüş filmi 1999-cu ildə Hindistanda çəkilib. Ekran əsərinin quruluşçu rejissorları Satyanarayana E.V.V. və Pranavananddır, baş rolları isə Amitabh Bachchan, Saundarya, Rachana Banerjee və Jayasudha canlandırıb.