Gurudev

Quru və Dev uşaqlıq illərindən bir-birinə çox yaxın olublar. İllər keçib böyüsələr də, onlar arasındakı yoldaşlıq telləri qırılmır və münasibətlərini eyni səmimiyyətlə qoruyub saxlayırlar.

Lakin keçmişin qaranlıq sirləri üzə çıxdıqda onların dostluğu ağır sınaq qarşısında qalır. Bəlli olur ki, Qurunun kriminal aləmdə nüfuz sahibi olan atası vaxtilə Devin atasını şərləyərək həbsxanaya saldırıb.

Hindistan istehsalı olan dram və döyüş janrlı «Gurudev» filmi 1993-cü ildə ekranlara çıxıb. Layihənin rejissoru Vinod Mehradır, əsas rolları isə Rişi Kapur, Şridevi, Anil Kapur və Kader Xan canlandırıb.