Sarfarosh

Kollec tələbəsi Acay gözlənilməz ailə faciəsi ilə üzləşir. Terrorçulara narkotik və silah çatdıran cinayətkarların hücumu nəticəsində onun qardaşı həlak olur, atası isə ağır xəsarətlər alaraq şikəst qalır.

Başına gələn bu ağır itki gəncin həyat yolunu büsbütün dəyişir. Qəm-qüssəyə qapılmaqdan imtina edən Acay bundan sonrakı ömrünü terrorizmə qarşı barışmaz mübarizəyə həsr etməyi qarşısına məqsəd qoyur.

Hindistan istehsalı olan «Sarfarosh» filmi döyüş və dram janrlarında 1999-cu ildə lentə alınıb. Rejissor Con Metyu Mattanın çəkdiyi layihədə baş rolları Aamir Xan, Nasiruddin Şah, Sonali Bendre və Mukeş Rişi canlandırırlar.