Assault Platoon

1973-cü il, Vyetnam müharibəsinin qızğın vaxtı. Təyyarələri vurulan iki amerikalı hərbi pilot düşmən ərazisinə düşür və əsir götürülərək ağır işgəncələrə məruz qalır. Əsirlər dinc kəndlərə qaz bombaları ataraq günahsız sakinlərin ölümünə səbəb olmaqda ittiham edilirlər.

Onları xilas edib geri gətirmək məqsədilə müxtəlif döyüşçülərdən ibarət xüsusi muzdlu dəstə təşkil olunur. Lakin əməliyyat gözlənilməz çətinliklə üzləşir. Çünki gizli qaz hücumunun arxasında dayanan hərbi rəhbərlik bu cinayətin canlı şahidlərinin sağ qayıtmasında qətiyyən maraqlı deyil.

«Assault Platoon» hərbi döyüş filmi 1990-cı ildə Filippində rejissor Tony Y. Reyes tərəfindən çəkilib. Ekran əsərində əsas rolları Nel Angeles, Hugh Arnold, Emmanuel Ayl və Marilyn Bautista canlandırıblar.