Xain

Narkobaron cənab Foster yumruq döyüşlərinə böyük maraq göstərir. Bu sahədə bacarıqlı olan keçmiş xəfiyyə Cek və onun əmisi oğlu Leo onun diqqətini çəkir. Lakin hər iki döyüşçü cinayətkarın əməkdaşlıq barədə təklifini qəti şəkildə rədd edir.

İstəyinə çatmayan narkotik alverçisi Cekin görmə qüsuru olan qızını girov götürür. Qohumlar gənc qızı xilas etməyə nail olsalar da, məğlubiyyətlə barışmayan Foster geri çəkilmək fikrində deyil. İnsanları sındırmağın yollarını yaxşı bilən mafiya başçısı bu dəfə kimlərlə qarşılaşdığını düzgün hesablamır.

«Double Crosser» filmi 1991-ci ildə İndoneziyada rejissor Arizal tərəfindən ekranlaşdırılıb. Döyüş və triller janrında olan bu ekran əsərində baş rolları Piter O’Brayn, Prisçilla Petsi, Riki Hosada və Didye A. Hamel ifa ediblər.