Sam sei goon

Vəkil Sun Şi Çi məhkəmələrdə qazandığı uğurlarla xalq arasında böyük şöhrət tapıb, lakin onun əsas hədəfi zəngin qonorarlar və şəxsi nüfuzdur. Həyat yoldaşı əmindir ki, ailənin on iki körpəsinin erkən yaşda tələf olması qatillərin və oğruların pulları hesabına gələn bədbəxtlikdir. Qadın sonuncu, on üçüncü övladlarını qorumaq üçün ərindən peşəsini buraxmağı tələb edir və söz alır. Lakin böyük mükafat vədinə dözməyən vəkil daha bir cinayətkarı xilas edir və elə həmin gün körpə oğulları quyuya düşür.

Baş verən faciədən sarsılan, lakin artıq böyük sərvət toplamış ata məhkəmə işlərinə birdəfəlik son qoyur. Çox keçmir ki, kənara çəkilmiş Sun üçün evdə heç bir məşğuliyyət qalmır və o, günlərini avara gəzməklə keçirir. Eyni zamanda ətrafda baş verən çoxsaylı haqsızlıqları görsə də, artıq adi vətəndaş kimi bu hadisələrə qarışmaq səlahiyyəti daşımır.

Döyüş, dram və komediya janrlarını birləşdirən «Sam sei goon» filmi rejissor Conni To tərəfindən lentə alınıb. 1992-ci il Honkonq istehsalı olan ekran əsərində baş rolları Stiven Çou, Anita Mui, Nq Man-Tat və Kerri Nq ifa edirlər.