Gränsen

1942-ci ilin qışında İsveçlə Norveç arasındakı sərhəd bölgəsində faşist Almaniyasının hücum təhlükəsi hökm sürürdü. Nəzarət-buraxılış məntəqəsində keşik çəkən iki gənc əsgər almanları görmək istəyi ilə postu tərk edir. Bu addım onların nasistlər tərəfindən işğal edilmiş Norveç ərazisinə daxil olması ilə nəticələnir.

Növbəti gün məntəqənin komandiri leytenant Aron Stenström itkin düşənlərdən birinin öz qardaşı Sven olduğunu öyrənir. Yaxınını xilas etmək qərarına gələn zabit yanındakı əsgərlərlə birlikdə sərhədi gizlicə keçərək təhlükəli axtarışa yollanır.

İsveç istehsalı olan «Gränsen» hərbi dram filmi 2011-ci ildə ekranlara çıxıb. Ekran əsərinin rejissoru Riçard Holm, baş rol ifaçıları isə Andre Syoberq, Martin Valström, Antti Reyni və Mari Robertsondur.