Hambal

Balaca İqbalın qayğısız uşaqlığı sevimli və mehriban valideynlərinin əhatəsində keçirdi. Lakin kəndi cənginə alan güclü daşqın onun həyatını alt-üst etdi: atası bənddə qətlə yetirildi, ağlını itirmiş anası isə Zəfər adlı cinayətkar tərəfindən qaçırıldı.

Kimsəsiz qalan uşaq dəmir yolu vağzalında qəzet sataraq yaşamağa çalışır. Məhz burada, relslərin və qatarların səs-küyü arasında İqbal stansiya hamballarının timsalında etibarlı dostlar qazanır və əsl kişi sədaqətinin nə olduğunu anlayır.

1983-cü il Hindistan istehsalı olan «Coolie» bədii filminin rejissorları Mənmöhan Desai və Prayaq Racdır. Dram, döyüş, komediya və melodram elementlərini birləşdirən ekran əsərində baş rolları Amitabh Baççan, Vahidə Rəhman, Rişi Kapur və Rati Aqnihotri canlandırıblar.