Qisasçı

Qaçaqmalçılar dəstəsini ifşa edən polis müfəttişi Saksena cinayətkarlar tərəfindən altı yaşlı oğlunun gözləri qarşısında amansızlıqla qətlə yetirilir. Balaca Anup atasının qatillərinin simasını ömürlük yaddaşına həkk edir. Aradan keçən on dörd il ərzində də gənc intiqam arzusundan əl çəkmir.

Cinayətkarların izinə düşən Anup onlardan üçünü cəzalandırmağı bacarır. Sonda yalnız dəstənin başçısı Bakşi sağ qalır. Qatillərin rəhbərinə çatmaq üçün gənc oğlan onun qızı Simanı qaçırır, lakin gözlənilmədən Simaya aşiq olur və qisas planı çıxılmaz vəziyyətə düşür.

1976-cı ildə istehsal edilmiş «Barood» adlı bu Hindistan döyüş filminin rejissoru Pramod Çakravortidir. Baş rolları Rişi Kapur, Şoma Anand, Rina Roy və Aşok Kumar canlandırıblar.