Doberman polis

Okinavalı polis detektivi Joji Kano doğma kəndindən illər öncə böyük şəhərə üz tutmuş Yuna adlı qızı axtarmaq üçün Tokioya gəlir. Həmin vaxt paytaxt polisi yandırılmış vəziyyətdə aşkar edilən fahişənin qətli ilə bağlı araşdırma aparır.

Tokio müstəntiqləri hesab edir ki, cəsədi tapılan qurban elə Kanonun axtardığı həmin Yunadır. Lakin okinavalı xəfiyyə bu nəticə ilə razılaşmır və məsələyə dair tamamilə fərqli düşünür. Yerli həmkarları tərəfindən anlaşılmayan Kano təhqiqatı təkbaşına davam etdirmək qərarına gəlir.

1977-ci ildə Yaponiyada istehsal olunmuş «Doberuman deka» adlı kriminal döyüş filminin rejissoru Kinji Fukasakudur. Ekran əsərində əsas rolları Sonny Chiba, Janet Hatta, Eiko Matsuda və Masaru Shiga canlandırıb.