Xacə

Nüfuzlu saray xacəsinə qarşı təşkil edilən uğursuz sui-qəsd böyük qarşıdurmaya yol açır. Qatilin qoyub getdiyi ipucları İmperatorun bu işdə əli olduğuna işarə edir. Ölkədə hökmdardan daha çox gücə sahib olan xacə bütün sülaləni məhv edib yerinə öz maraqlarına uyğun birini gətirmək qərarına gəlir.

İmperatoru aradan götürən saray məmuru onun səfərdə olan oğlunu öldürmək üçün arxasınca əsgərlər göndərir. Lakin şahzadəni müəmmalı bir zahid ölümdən xilas edir. Sağ qalan varis amansız xacədən qisas almaq üçün hərəkətə keçir.

1971-ci ildə Honkonqda çəkilmiş «Xacə» (Gui tai jian) döyüş dramının rejissoru Teddi İpdir. Ekran əsərində baş rolları Çun Va, Çyao Çyao, Bay İn və Billi Çan canlandırıblar.