Samundar

Polis komissarı olan atasının ölümündən sonra balaca Acit cinayətkarların əlinə düşür. Qanundan kənar yaşayan bu insanlar uşağı böyüdüb öz mühitlərinə uyğunlaşdırırlar. Beləliklə, o, cinayətkar dəstənin qaydaları ilə böyüyərək onların tapşırıqlarını icra edən birinə çevrilir.

Rəhbərinin əmrini yerinə yetirən gənc bir qadını qaçırmaq məcburiyyətində qalır. Polisin təqibindən yaxa qurtarmağa çalışan Acit qaçırdığı qızla birlikdə kimsəsiz bir adaya düşür. Şəhərdən və insanlardan uzaq olan bu məkanda onları yeni sınaqlar gözləyir.

1986-cı ildə Hindistanda istehsal olunmuş «Samundar» filminin quruluşçu rejissoru Rahul Ravayldır. Bu dramatik döyüş filmində əsas rolları Sanni Deol, Punam Dhillon, Anupam Kher və Roşni canlandırıblar.