Mikkô zero rain

Məktəb illərindən dost olan Tatsuo Nisina və Koiçi Katori eyni sahədə çalışsalar da, artıq rəqib qəzetlərin əməkdaşlarıdır. Hər iki jurnalist «Sıfır xətt» adlı beynəlxalq narkotik şəbəkəsinin izinə düşərək mürəkkəb cinayət işini araşdırmağa başlayır.

Lakin müxbirlərin işə yanaşması tamamilə fərqlidir. Katori istədiyi məlumatı əldə etmək naminə etik qaydaları asanlıqla tapdalayır, Nisina isə vicdanlı mövqedən geri çəkilmir. Həmçinin Nisina rəqibinin kiçik bacısı Sumikoya aşiq olduğu üçün atdığı hər addımı daha dərindən düşünməli olur.

1960-cı ildə Yaponiyada istehsal olunmuş «Mikkô zero rain» filmi kriminal döyüş janrındadır. Ekran əsərinin quruluşçu rejissoru Seycun Suzukidir, baş rolları isə Hiroyuki Naqato, Yuji Kodaka, Mayumi Şimizu və Sanae Nakahara canlandırıb.