Əjdaha karvansarası

1457-ci ildə Min sülaləsinin idarə etdiyi dövlətdə saray xədimləri nəzarəti ələ keçirir. Zalımlığı ilə seçilən Çzao general Yunun edam edilməsinə nail olur, lakin bununla kifayətlənməyərək onun bütün övladlarının məhvini əmr edir. Sağ qalan varislər uzaq sərhəddə yerləşən «Əjdaha qapısı» adlı məntəqəyə sürgün olunur, Çzao isə onların ardınca gizli qatillər dəstəsi göndərir.

Qatillər sürgün karvanının keçəcəyi tənha yolüstü karvansarada pusqu qurur. Həmin məkana təsadüfən gələn səyyah döyüşçülər vəziyyətdən xəbərdar olaraq günahsız uşaqların tərəfini tutur. Beləliklə, kiçik karvansara ölümcül mübarizənin mərkəzinə çevrilir.

«Long men kezhan» adlı macəra və döyüş filmi 1967-ci ildə rejissor Kinq Xu tərəfindən Tayvan və Honq Konq kinematoqrafçılarının birgə layihəsi kimi çəkilib. Baş rolları Polli Kuan, Şi Çjun, Bay İn və Süy Fen canlandırıb.