Sonuncu qladiator

Əsilzadə ailəsindən olan Germanus valideynlərini itirdikdən sonra bacı və qardaşı ilə birlikdə romalıların əsirliyinə düşür. Roma imperiyasında qladiator döyüşləri xüsusi rəğbətlə qarşılandığı üçün o da arenada ölüm-dirim savaşına çıxan döyüşçülərin sırasına qatılır.

Qardaşı azad qladiator Laqos tərəfindən qətlə yetirildikdə, Germanus qisas almaq qərarına gəlir. Lakin çox keçmədən öyrənir ki, doğma bacısı onların qardaşını öldürən həmin döyüşçüyə aşiq olub və bu ziddiyyət onun azadlığa gedən yolunu daha da mürəkkəbləşdirir.

2003-cü ildə çəkilmiş «Held der Gladiatoren» filmi Almaniya və Avstriya kinematoqrafçılarının birgə işidir. Ekran əsərinin quruluşçu rejissoru Yorqo Papavasiliu, baş rol ifaçıları isə Ştefan Hornunq, Andrea Kleven, Tanya Ventsel və Jolt Baçdır.