Tənha

Maskalı cinayətkarın əmanət kassasına basqını zamanı əməliyyat müvəkkili Frolovun həyat yoldaşı həlak olur. Milisə daxil olan anonim zəng sayəsində bağ evində gizlənən Andrey Qromov yaxalanır və ona on iki illik ciddi rejimli cəza kəsilir. Əslində isə bu hücum Qromovun kriminal aləmə sızması üçün xüsusi xidmət orqanları tərəfindən qurulmuş gizli tapşırıq idi.

Andrey bir neçə ildən sonra azadlığa buraxılacağını düşünsə də, rəhbərlik onu tamamilə unudur. Uzun illər həbsdə qaldıqdan sonra azadlığa çıxan agent onu taleyin ümidinə buraxanlardan qisas almaq qərarına gəlir. Rəhbərlik onun arxasınca təqib başlatsa da, illər boyu sərtləşmiş keçmiş xüsusi təyinatlıya qalib gəlmək asan deyil.

«Tənha» kriminal döyüş filmi 2010-cu ildə Rusiyada ekranlara çıxıb. Ekran əsərinin quruluşçu rejissoru Sergey Şerbindir. Əsas rolları Danila Kozlovski, Yan Tsapnik, Andrey Kuznetsov və Sergey Kudryavtsev canlandırıb.