Qisas — sənətdir

Dinləmə xidmətində çalışan gənc qadın işi ilə bağlı olaraq yad bir adamın söhbətlərini izləməyə başlayır. Vaxt keçdikcə o, üzünü belə görmədiyi həmin bu «müştəri»yə yalnız səsinə görə bəslədiyi hisslərə qapılır. Bütün fikri-zikri onunla necəsə bir araya gəlmək olan qadın daxili bir bağlılıq yaşayır.

Lakin bu gizli maraq uzun sürmür və qadın izlədiyi adam haqqında qorxulu həqiqətlə üzləşir. Eşitdiyi detallar aşiq olduğu həmin şəxsin ciddi təhlükə altında olduğunu və tezliklə məhvə məhkum edildiyini göstərir.

2010-cu ildə çəkilmiş Rusiyanın «Qisas — sənətdir» filminin rejissoru Oleq Qluşenkodur. Ekran işinin əsas rollarını Vladislava Zavadovskaya, Andrey Kuznetsov, Mixail Razumovski və Sergey Vorobyov paylaşıblar.