Bartkowiak

Qalmaqal səbəbindən idmandan uzaqlaşdırılan MMA döyüşçüsü çətin günlər keçirir. Çox keçmədən ailəsində ağır itki baş verir və qardaşı yol qəzasında həyatını itirir. İdmançı qardaşından qalan gecə klubunu idarə etmək üçün ailə biznesinin başına keçməyə məcbur olur.

Klubun işləri ilə məşğul olarkən o, baş verən qəzanın təsadüfi olmadığını öyrənir. Qardaşının ölümünün arxasında qaranlıq cinayətkar qrupların dayandığı üzə çıxır. Keçmiş idmançı ailəsinin qisasını almaq və həqiqəti tapmaq üçün öz döyüş bacarıqlarından istifadə edir.

2021-ci il istehsalı olan «Bartkowiak» kriminal döyüş filminin rejissoru Daniel Markoviçdir. Ekran əsərində baş rolları Yuzef Pavlovski, Zofya Domalik, Şımon Bobrovski və Bartlomey Topa canlandırıb.