Stranglehold

Konqresmen Helen Filmorun rəhbərlik etdiyi Amerika nümayəndə heyətinin Malayziyadakı CHEMCO kimya zavoduna səfəri faciə ilə nəticələnir. Qonaqları qarşılayan müəssisə nümayəndəsi Cerald Rixter silahlı dəstəyə başçılıq edərək zavodu ələ keçirir və mühafizəçiləri qətlə yetirir.

Zavodda saxlanılan böyük həcmdə iflicedici qazı və digər kimyəvi silahları ələ keçirən Rixter ABŞ rəhbərliyinə ultimatum verir. Terrorçular tələbləri yerinə yetirilməyəcəyi təqdirdə zəhərli maddələri tətbiq edəcəklərini bildirirlər. Bu təhlükənin qarşısını almaq üçün konqresmenin mühafizəçisi, xüsusi agent Rayan Kuper hərəkətə keçir.

«Stranglehold» döyüş filmi rejissor Sirio H. Santyaqo tərəfindən çəkilib. ABŞ və Filippin istehsalı olan ekran əsəri 1994-cü ildə nümayiş olunub. Baş rollarda Cerri Trimbl, Cillian MakUirter, Vernon Uells və Bob MakFarland çəkiliblər.