Viktor

Fransada on beş illik həbs cəzasını başa vuran incəsənət əsərləri oğrusu Viktor Lamber azadlığa qovuşur. O, dinc həyat seçmək əvəzinə keçmişinin bağlı olduğu Moskvaya qayıtmağa qərar verir. Onu bu addımı atmağa sövq edən səbəb isə almaz qaçaqmalçıları tərəfindən qətlə yetirilən oğlunun intiqamını almaq istəyidir.

Viktor bu işdə tək deyil. Ona hələ də xüsusi hisslər bəslədiyi keçmiş cinayət şəriki Aleksandra İvanova yardım edir. Tərəfdaşlar qatillərin izinə düşmək üçün şəhərin təhlükəli yeraltı dünyasına daxil olurlar və hər addımda cinayətkarlara bir qədər də yaxınlaşırlar.

2014-cü ildə ekranlara çıxan «Viktor» filmi Fransa və Rusiyanın birgə istehsalıdır. Bu döyüş dramının rejissoru Filipp Martinesdir. Ekran əsərində əsas rolları Jerar Depardye, Elizabet Hörli, Eli Danker və Denis Karasyov canlandırıblar.