Savi

Savitri həyat yoldaşı Nakul və oğlu Adi ilə birlikdə Liverpulda yaşayır. Qadın ailəsinin gündəlik qayğılarını çəkir, əri isə tikintidə çalışır və iş yerində qadın rəhbəri Stefani ilə yola getmir.

Səhərlərin birində polislər Nakulu rəhbərini öldürməkdə təqsirləndirərək həbs edirlər. Bütün dəlillər və cinayət motivi onun əleyhinə yönəldiyindən məhkəmə ömürlük həbs qərarı çıxarır. Təqdim olunan apelyasiya şikayəti rədd edilir, qanuni yolla bəraət almaq ümidləri puç olur. Üstəlik, iş tapmaqda çətinlik çəkən Savi ciddi maddi böhranla üzləşir və ərini qapalı divarlar arasından qaçırmağa hazırlaşır.

2024-cü ildə Hindistanda çəkilmiş «Savi» triller filminin rejissoru Abhinay Deodur. Baş rolları Divya Xosla Kumar, Harşvardhan Rane, Mairaj Kakkar və Himanshi Choudhary canlandırıblar.