Şevalye de Pardayan

Hadisələr dini qarşıdurmaların hökm sürdüyü XVI əsr Fransada cərəyan edir. Qanlı Varfolomey gecəsi artıq arxada qalsa da, IV Henri hələ ki kral taxtına yiyələnməyib. Morver adlı şəxs Delqoderin səyyar truppasında çıxış edən rəqqasə Violettanı görür və onun axtarılan qız olduğunu taxt-taca iddialı katolik lideri hersoq de Qizə bildirir.

Hersoqun adamları gənc qızı qaçırmağa cəhd göstərdikdə teatr tamaşaçılarından biri — Şarl Anqulemli hadisəyə qarışır. Violettanın aktyor dostları ilə birləşən hersoq hücumçuları geri oturtmağı bacarır. Qələbədən sonra Anqulemli qıza əsl mənşəyini açıqlayır: o, qətliam gecəsində məhv edilmiş zəngin və kübar d'Antrek nəslinin yeganə varisidir.

«Le Chevalier de Pardaillan» adlı macəra filmini rejissor Bernar Borderi ərsəyə gətirib. 1962-ci ildə Fransa və İtaliyanın birgə istehsalı ilə çəkilmiş ekran əsərində Jerar Barre, Canna Mariya Kanale, Mişel Qrelye və Kirk Morris kimi aktyorlar çəkiliblər.