White Sky

Sienna, bacısı Heyli və onun sevgilisi Coş meşədə çadır qurub dincəlmək qərarına gəlirlər. Lakin yaxınlıqdakı şəhərin üzərində nəhəng yadplanetli gəmisi peyda olanda gənclərin planları alt-üst olur. Səmada naməlum ağ toz yayan bu obyekt güclü zərbə dalğası yaradır və qəhrəmanları xarici aləmdən tamamilə təcrid edir.

Çox keçmədən məlum olur ki, həmin maddəyə məruz qalan insanlar aqressiv məxluqlara çevriliblər. Təhlükəli varlıqlardan və işğaldan qaçaraq meşənin dərinliklərinə sığınan üçlük burada tənha yaşayan Liam adlı bir qəriblə qarşılaşır. Həmin şəxs onlara gizlənmək üçün sığınacaq təklif edir.

«White Sky» adlı elmi-fantastik döyüş filmi rejissor Adam Vilson tərəfindən çəkilib. 2021-ci ildə Böyük Britaniyada istehsal olunmuş filmin əsas rollarında Makenna Qayler, Natali Martins, Eyd Dimberlayn və Monika Qerqelova çəkiliblər.