Lazarus

Paradays-Siti cinayətkar qruplaşmaların nəzarətindədir və bu qanunsuzluğun qurbanlarından biri də Rey Lazarus olur. Quldurlar tərəfindən qətlə yetirilən bu adam qısa müddət sonra sirli şəkildə yenidən həyata qayıdır.

Ölümün pəncəsindən qurtulan qəhrəman özündə fövqəlbəşəri bacarıqlar hiss etməyə başlayır. Güclü zərbələrə qarşı dözümlülük və böyük fiziki güc qazanan Rey intiqam yolunu seçir. O, həm öz ölümünə səbəb olanlardan qisas almaq, həm də bütün şəhəri idarə edən narkokartellə mübarizə aparmaq qərarına gəlir.

ABŞ istehsalı olan bu fantastik döyüş filmi rejissor R.L. Skott tərəfindən 2021-ci ildə çəkilib. Baş rollarda Şon Riqqs, Kostas Mendilor və Şeyn Brolli çıxış edirlər.