Enter the Fire

Küçə döyüşçüsü Ceyk Bolt mafiyanın tələbini pozaraq danışılmış qarşılaşmada qalib gəlir və çempionluq kəmərini qazanır. Qisas almaq istəyən cinayətkar qruplaşmadan gizlənmək üçün o, dərhal San-Fransiskoya yollanır. Ceyk illərdir əlaqə saxlamadığı ögey qardaşı Henrinin yanına sığınır.

Henri qardaşını istəmədən qəbul etsə də, keçmiş narazılıqlar yenidən aralarında gərginlik yaradır. Ceykin Henrinin keçmiş sevgilisinə qarşı hisslər bəsləməsi vəziyyəti daha da mürəkkəbləşdirir. Həmin vaxt cinayətkar dəstənin üzvləri artıq onların izini tapmağa yaxınlaşır.

ABŞ istehsalı olan «Enter the Fire» döyüş filmini rejissor Fil Qorn çəkib. 2018-ci il ekran əsərində baş rolları Yen Loyer, Lu Ferrinyo, Tereza Navarro və Kristofer Şouerman canlandırıb.