Ehtimal sıfra bərabərdir

1943-cü ildə ingilis alimlərinin yeni radar qurğusunu kəşf etməsi Avropada hərbi əməliyyatların gedişatına təsir göstərərək müttəfiqlərin irəliləməsinə şərait yaradır. Lakin həmin ilin payızında bu gizli texnologiya ilə təchiz olunmuş kəşfiyyat təyyarəsi Norveç suları üzərində alman qırıcıları tərəfindən vurulur.

Radar sisteminin qarşı tərəfin mütəxəssislərinin əlinə keçməməsi üçün müttəfiq qüvvələrindən ibarət kiçik bir dəstə gizli tapşırığa göndərilir. Qrup üzvləri şimalın sərt təbiətində, düşmənin say üstünlüyü və vaxt azlığı şəraitində fəaliyyət göstərməli olur.

1969-cu ildə İtaliyada istehsal olunmuş «Heroes Never Die» hərbi dram filminin rejissoru Mauritsio Luçididir. Əsas obrazları Henri Silva, Luici Kasellato, Rikkardo Salvino və Etsio Sankrotti canlandırıblar.