Ajnabee

Toydan dərhal sonra Raj və Priya bal ayını keçirmək üçün İsveçrəyə yola düşürlər. Bu səfər zamanı gənc cütlük Vikram və Soniya adlı başqa bir ər-arvadla tanış olur. Həmsöhbətlər çox tez ümumi dil tapırlar və Vikramın təkidi ilə istirahətlərini Mavriki adasında davam etdirərək yaxın dostlara çevrilirlər.

Lakin bu səmimi münasibətlər gözlənilməz bir təkliflə tamam başqa istiqamət alır. Bir gün Vikram heç kimin ağlına gəlməyəcək bir fikir irəli sürərək, bircə gecəlik xanımlarını dəyişdirməyi Raja təklif edir.

2001-ci ildə Hindistanda istehsal olunmuş «Ajnabee» triller filminin rejissorları Abbas Alibhai Burmawalla və Mastan Alibhai Burmawalladır. Baş rolları isə Akshay Kumar, Bobby Deol, Kareena Kapoor və Bipasha Basu canlandırıblar.