Həyat və ölüm şəhəri

1937-ci ilin dekabrında Yaponiya qüvvələri Nankin şəhərinə daxil olur. Qomindan hərbçilərinin bir hissəsi geri çəkilsə də, təslim olmaq istəməyən döyüşçülər müqavimət göstərməyi seçir. Bu cəhd uğursuzluqla nəticələnir, yüz minlərlə insan həyatını itirir və şəhər böyük fəlakət meydanına çevrilir.

İnsanlar üçün yeganə sığınacaq Jinling qızlar məktəbinin ərazisində qurulan təhlükəsizlik zonası olur. Burada toplaşan qadınlar sağ qalan kişiləri gizlədərək onları ölümdən xilas etməyə çalışırlar.

«Nanjing! Nanjing!» filmi 2009-cu ildə Çin və Honq-Konq kinematoqrafçıları tərəfindən çəkilib. Hərbi dram janrında olan ekran əsərinin rejissoru Lu Çuandır, əsas rolları isə Lyu Ye, Qao Yuanyuan, Fan Vey və Tsin Lan canlandırıblar.