Hatched

Saymon adlı alim şəxsi malikanəsində apardığı genetik təcrübələr nəticəsində qədim dinozavrları yenidən həyata qaytarır. Lakin laboratoriyada böyüyən yırtıcılar tezliklə nəzarətdən çıxaraq öz yaradıcılarını məhv edirlər.

Baş verənlərdən tamamilə xəbərsiz olan qohumlar Saymonu və ailəsini ziyarət etmək üçün mülkə yollanırlar. Qapıya çatdıqda onlar boş qalmış evlə və ərazidə sərbəst dolaşan qaniçən sürünənlərlə qarşılaşırlar. Həmin andan etibarən gözlənilməz qonaqlar üçün həyatda qalmaq uğrunda mübarizə başlayır.

Böyük Britaniya istehsalı olan «Hatched» elmi-fantastik qorxu filmi 2021-ci ildə işıq üzü görüb. Ekran əsərinin rejissor kürsüsündə Skott Çembers və Bekka Hirani əyləşib, əsas rolları isə Corci Benks, Meqan Pervis, Marşall Houks və Thomas Loone canlandırıb.