İntensiv terapiya

Hərbi xidmətdən ayrılan Aleks sakit həyata başlamaq üçün Kler adlı yaşlı qadına qulluqçu kimi işə düzəlir. O, xəstə qadının evində günlərini dinc keçirəcəyini və sadə gündəlik qayğılarla məşğul olacağını düşünür. Lakin bu evin rahatlığı uzun sürmür.

Pula ehtiyacı olan Denni adlı bir gənc vəziyyətdən çıxmaq üçün qanunsuz bir yol seçir. O, dostlarını dilə tutaraq köməksiz qocanın mənzilini soymağa razı salır. Quldurlar içəri daxil olarkən onların qarşısını təcrübəli keçmiş hərbçinin kəsəcəyini və böyük təhlükə ilə üzləşəcəklərini qətiyyən təxmin etmirlər.

2018-ci ildə ABŞ-da istehsal olunmuş «İntensiv terapiya» (Intensive Care) filminin rejissoru Cared Bentlidir. Döyüş, komediya və triller janrlarını birləşdirən ekran əsərində baş rolları Tieko Hidaka, Trip Lou, Tara Meken və Qunnar Sayzmor canlandırıb.