Son cəngavər

Amerikalı bir alim tam məxfilik şəraitində nəhəng dağıdıcı gücə malik «Eliminator» adlı yeni silah hazırlayır. Qurğunun nümayişindən dərhal sonra ixtiraçı şübhəli şəxslərin diqqət mərkəzinə düşür. Bu təhlükəli texnologiyanı ələ keçirmək istəyən terrorçular laboratoriyaya hücum edirlər.

Cinayətkarlar alimi və onun gənc qızını girov götürərək silahdan öz qanunsuz məqsədləri üçün istifadə etməyə çalışırlar. Yaranmış böyük təhlükənin qarşısını almaq və girovları xilas etmək üçün iki amerikalı döyüşçü təhlükəli əməliyyata başlayır.

«Project Eliminator» filmi 2000-ci ildə ABŞ-da istehsal olunub. Döyüş və triller janrında çəkilmiş ekran əsərinin rejissoru H. Key Dayaldır. Əsas rolları Devid Kerradin, Frenk Zaqarino, Hilari İnqliş və Brett Bakster Klark canlandırıblar.