Narappa

Hadisələr ötən əsrin 1980-ci illərində bir Hindistan kəndində cərəyan edir. Narappa adlı yoxsul kəndli ailəsi ilə birlikdə dinc şəkildə təsərrüfatını idarə etməyə çalışır. Lakin qəddar və nüfuzlu torpaq sahibi Pandusvami onların kiçik torpaq sahəsini zorla ələ keçirmək istəyir və bu zəmində qarşıdurma yaranır.

Narappanın səbirsiz böyük oğlu zülmə qarşı çıxaraq etiraz edir, nəticədə mülkədarın adamları onu amansızlıqla öldürür. İntiqam almaq istəyən kiçik oğul isə torpaq sahibini qətlə yetirir. Belə vəziyyətdə ata sağ qalan övladını qisasçılardan və polisin cəzasından qurtarmaq üçün onunla birgə qaçıb gizlənməyə məcbur qalır.

«Narappa» döyüş və dram filmi 2021-ci ildə Hindistanda istehsal olunub. Ekran əsərinin quruluşçu rejissoru Şrikant Addaladır. Əsas rolları Venkateş, Priyamani, Raciv Kanakala və Rakhi canlandırıblar.