Ranabaali

Hadisələr 1870-ci illərdə aclığın hökm sürdüyü Madras prezidentliyinin Rayalasima bölgəsində cərəyan edir. Britaniyalı komissar Teodor Hektor yerli əhalinin ərzaq ehtiyatlarını amansızlıqla əllərindən alaraq böyük miqdarda taxılı Londona göndərməyi planlaşdırır.

Eyni vaxtda anasının tələsik Jayamma adlı gənc qızla evləndirdiyi yerli döyüşçü Ranabaali xalqının çəkdiyi əzabların və müstəmləkəçilərin zülmünün şahidi olur. Baş verən haqsızlıqla barışmayan döyüşçü qüdrətli Britaniya idarəsinə qarşı çıxmağa və taxılın ölkədən daşınmasını dayandırmağa qərar verir.

Ranabaali tarixi döyüş dramı Hindistan istehsalıdır və rejissor Rahul Sankrityan tərəfindən lentə alınıb. 2026-cı il filminin əsas rollarında Arnold Vosloo, Edward J Marsh, Zachary Coffin və Vladimir Angelove çəkiliblər.