Möcüzələr

Cibində bir qəpiyi belə olmayan Çarli daha yaxşı bir gələcək qurmaq ümidi ilə Honkonqa gəlir. Son qalan pulunu küçə satıcısından qızılgül almağa xərcləyir və bu gülün ona uğur gətirəcəyinə inanır. Çox keçmədən gənc oğlan iki cinayətkar dəstə arasında başlayan qanlı atışmanın düz ortasına düşür.

Çarli atəş altından yerli mafiya başçılarından birini xilas edərək cəsarət göstərir. Ölüm ayağında olan triada rəhbəri bu gözlənilməz xilaskarı özünün yeganə varisi elan edir. Beləliklə, sadə bir gənc birdən-birə güclü bir cinayət şəbəkəsinin başına keçmək məcburiyyətində qalır.

«Möcüzələr» (Kei zik) adlı kriminal döyüş komediyası 1989-cu ildə Honkonqda çəkilib. Filmin rejissoru baş rolu da canlandıran Ceki Çandır. Digər əsas rollarda Anita Muy, Bill Tun və Billi Lau çıxış ediblər.