Atıcı

Təcrübəli hərbi snayper Bob Li öz iradəsinə zidd olaraq dövlət başçısına qarşı hazırlanan sui-qəsd planının iştirakçısına çevrilir. Naməlum şəxslər ölkə prezidentini aradan götürmək niyyətindədir. Çox keçmədən qəhrəman başa düşür ki, gizli qüvvələr bütün şübhələri onun üzərinə yönəltmək və onu günahkar kimi hüquq-mühafizə orqanlarına təslim etmək istəyir.

Tələyə salındığını dərk edən Bob Li əsl qatilin izinə düşmək qərarına gəlir. O, cinayətin arxasında dayanan əsl icraçını vaxtında tapıb zərərsizləşdirməli və öz adını bu çirkin ittihamdan təmizləməlidir.

2007-ci ildə ABŞ-da istehsal olunmuş «Atıcı» filminin rejissoru Antuan Fukuadır. Ekran əsərində baş rolları Mark Uolberq, Maykl Penya, Denni Qlover və Keyt Mara canlandırıblar.