SuperBob

Əvvəllər London küçələrində poçtalyon işləyən utancaq Bob Kenner indi bütün planetin yeganə superqəhrəmanı kimi dövlət qulluğundadır. Şəhəri qorumaq bütün vaxtını aldığı üçün onun adi insani istəklərə macalı çatmır. Lakin qarşıda xüsusi bir gün var: qəhrəman son altı ildə ilk dəfə qadınla görüşə getməyə hazırlaşır.

Sakit axşam planları dərhal təhlükə altına düşür. Dünyanı xilas etmək tələbatı şəxsi həyat qurmaq cəhdləri ilə heç cür uzlaşmır. Bob bəşəriyyəti fəlakətlərdən qorumaqla sevgiyə vaxt ayırmaq arasında vurnuxmağa məcbur olur.

«SuperBob» filmini britaniyalı rejissor Con Drever ərsəyə gətirib. Əsas rolu Brett Qoldstin canlandırıb, digər rollarda isə Nataliya Tena, Lora Heddok və Rut Şin çəkiliblər. Ekran əsəri 2015-ci ildə nümayiş olunub.