Division 19

2039-cu ildə həbsxanalar qlobal internet layihəsinin bir hissəsinə çevrilib. Adi istifadəçilər məhbusların gündəlik qidalanmasını, geyimini, fəaliyyətini və hətta kimsəylə edəcəyi döyüşləri şəbəkə üzərindən səsvermə ilə təyin edirlər.

Hardin Cons bu platformanın ən çox izlənən məhbusu idi və canlı yayımlar ona ciddi gəlir gətirirdi. Bütün bunlara baxmayaraq, o, həbsxanadan qaçmağı seçir. Azadlığa çıxan kimi Hardin qardaşının Panopticon TV portalına aid olan və bütöv bir şəhər böyüklüyündəki yeni rejimli həbsxanaya salındığını öyrənir.

«Division 19» fantastik triller filminin rejissoru Syuzi Heylvuddur. 2017-ci ildə ABŞ və Böyük Britaniyanın birgə istehsalı ilə çəkilən ekran əsərində baş rolları Laynas Rouç, Elison Dudi, Klark Piters və Lotta Verbek paylaşıb.