Payback

Böyük bir cinayətkar şəbəkəyə külli miqdarda borcu olan dəstə üzvü vəziyyətdən çıxış yolu tapır. O, asiyalıların qanunsuz pullarını daşıyan maşını qarət etmək üçün Porteri və onun arvadını bu təhlükəli işə ortaq edir.

Lakin cinayətkar yoldaşlarını aldadır və qadına ərinin xəyanətini sübut edən saxta fotoşəkil göstərir. Qəzəblənən həyat yoldaşı Porterə dalbadal atəş açır, bundan sonra ortaqlar yaralını ölü zənn edib bütün pulları götürərək qaçırlar. Beş aydan sonra sağ qalan Porter geri dönür və ona məxsus payı geri almaq üçün intiqam axtarışına çıxır.

«Payback» filmi 1999-cu ildə rejissor Brayan Helgelend tərəfindən ABŞ-da çəkilmişdir. Əsas rollarda Mel Gibson, Qreqq Henri, Mariya Bello və Lüsi Lyu çıxış edirlər.