Dəli Maks 2: Yol döyüşçüsü

Böyük enerji böhranı şəhərləri və nəqliyyat sistemini iflic edərək bəşər sivilizasiyasını məhvə sürükləyib. Yanacağın ən vacib yaşayış mənbəyinə çevrildiyi bu dövrdə insanlar hər bir litr benzin üçün amansız mübarizə aparır. Tənha sürücü Maks tərk edilmiş avtomobillərin və evlərin qaldığı Avstraliya çöllərində yanacaq axtarır.

Uzun axtarışlardan sonra o, yanacaq ehtiyatları saxlanılan və istehkama çevrilmiş kiçik bir məskənə rast gəlir. Əldən düşmüş sakinlər öz sərvətlərini qorumağa çalışarkən bura Qumunqusun başçılıq etdiyi qəddar baykerlər dəstəsi hücum edir. Beləliklə, Maks düşərgə sakinləri ilə hücumçular arasındakı qarşıdurmaya qoşulur.

1981-ci ildə çəkilmiş «Mad Max 2» fantastik döyüş filminin rejissoru Corc Millerdir. Baş rolu Mel Gibsonun canlandırdığı Avstraliya istehsalı olan bu layihədə Bryus Spens, Maykl Preston və Maks Fipps də yer alıb. Ekran əsəri məşhur «Mad Max» franşizasının bir hissəsidir.