Qisas qılıncı 3

Balaca oğlu ilə səyahət edən qılınc ustası yoluna çıxan düşmənləri darmadağın edərək səfərini davam etdirir. Silahlı döyüşçüyə hücum etmək istəyənlər əvvəlki kimi yenə də uğursuzluğa düçar olurlar.

İtto yolda valideynləri tərəfindən fahişəxanaya satılmış gənc bir qızın taleyinə biganə qalmır və onu xilas etmək qərarına gəlir. Həmin qızın azadlığı müqabilində o, ağır işgəncə sınaqlarını öz üzərinə götürür.

1972-ci il istehsalı olan «Kozure Okami: Shinikazeni mukau ubaguruma» döyüş dramı rejissor Kenci Misumi tərəfindən Yaponiyada çəkilib. Baş rolları Tomisaburo Vakayama, Akihiro Tomikava, Qo Kato və Yuko Hama canlandırıblar.