Upgrade

2040-cı illərin ortalarında qabaqcıl texnologiyalar insanların gündəlik həyatının ayrılmaz hissəsinə çevrilib. Bu rəqəmsal dövrdə köhnə avtomobilləri öz əlləri ilə təmir edən Qrey texnoloji yeniliklərdən uzaq durmağa çalışır. Varlı müştərinin yanından qayıdarkən o və həyat yoldaşı qəzaya düşür, dərhal sonra isə silahlı cinayətkarların hücumuna məruz qalırlar. Nəticədə qadın öldürülür, Qrey isə boyundan aşağı tamamilə iflic vəziyyətə düşür.

Əlil arabasına məhkum olan baş qəhrəmana həmin zəngin sifarişçi tərəfindən gözlənilməz çıxış yolu təklif edilir. Alim bədənin hərəkət qabiliyyətini bərpa etmək gücünə malik «Stem» adlı eksperimental mikroçipi sınaqdan keçirməyi irəli sürür. Bədəninə daxil edilən bu implant sayəsində Qrey nəinki yenidən ayağa qalxır, həm də ailəsini məhv edən cinayətkarları tapmaq üçün fövqəladə imkanlar əldə edir.

«Upgrade» elmi-fantastik döyüş filmi rejissor Li Uonnell tərəfindən çəkilib. Baş rolları Loqan Marşall-Qrin, Melani Valyexo, Stiv Danielsen və Ebbi Kraden canlandırıb. ABŞ və Avstraliya istehsalı olan bu ekran əsəri 2018-ci ildə nümayiş olunub.