13-cü rayon

2010-cu ildə Parisin ən təhlükəli məhəllələri cinayətkarlığın artması səbəbindən hündür beton divarlarla şəhərdən təcrid olunur. Bu qapalı zonada xəstəxanalar və məktəblər çoxdan fəaliyyətini dayandırıb, küçələrdə isə silah və narkotik ticarəti hökm sürür. Asayiş keşikçilərinin nəzarət etmədiyi bu ərazidə qanunları yalnız yerli quldur dəstələri müəyyənləşdirir.

Cinayətkar qruplaşmalardan birinin başçısı neytron bombasını ələ keçirəndə vəziyyət fəlakət həddinə çatır. Təhlükəli silahı zərərsizləşdirmək tapşırığı xüsusi təyinatlı zabit Damyenə həvalə edilir. Məhəlləyə daxil olmaq üçün ona etibarlı bələdçi lazımdır. Bacısı həmin cinayətkar tərəfindən qaçırılan yerli sakin Leyto zabitə kömək etməyə razılaşır.

Fransa istehsalı olan «Banlieue 13» döyüş filmi 2004-cü ildə rejissor Pyer Morel tərəfindən çəkilib. Baş rolları Siril Raffaelli, David Bell, Toni D’Amario və Bibi Naseri canlandırıblar.