Brilliant polis

Təcrübəli seyf oğrusu Mayls Loqan həbsdən azadlığa çıxan kimi əvvəllər gizlətdiyi qənimətin izinə düşür. Həbs olunmazdan əvvəl o, olduqca qiymətli bir brilyantı tikilməkdə olan binada gizlətmişdi. Lakin həmin yerə çatanda görür ki, tikinti artıq tamamlanıb və bina polis idarəsinə çevrilib.

Oğurlanmış daşı geri götürmək üçün Mayls qanun keşikçisi cildinə girmək qərarına gəlir. O, saxta sənədlərlə şöbəyə daxil olur, lakin brilyantı axtarmaq əvəzinə gözlənilmədən həqiqi cinayətləri araşdırmağa məcbur qalır. Əvvəlki oğurluq bacarıqları isə ona ən qəliz işləri asanlıqla həll etməyə və iş yoldaşlarının rəğbətini qazanmağa kömək edir.

«Brilliant polis» (Blue Streak) komediya və döyüş filmini rejissor Les Meyfild çəkib. ABŞ və Almaniya istehsalı olan bu kəskin süjetli ekran əsəri 1999-cu ildə təqdim edilib. Əsas obrazı Martin Lourens canlandırıb, digər rollarda isə Lyuk Uilson, Piter Qrin və Deyv Şappell çəkiliblər.