Pelham 1-2-3 qatarının zəbti

Nyu-York metrosunda silahlanmış dörd nəfər sərnişin vaqonunu ələ keçirir və on səkkiz nəfəri girov götürür. Cinayətkarlar şəhər rəhbərliyindən cəmi bir saat ərzində bir milyon dollar tələb edirlər. Qoyulan vaxt bitdikdən sonra hər gecikən dəqiqəyə görə bir günahsız insanın öldürüləcəyi bildirilir.

Hakimiyyət nümayəndələri bu şərtlə razılaşmaq məcburiyyətində qalırlar. Onlar hesab edirlər ki, qatarların hərəkət etdiyi yeraltı tunellərdən qaçıb gizlənmək sadəcə qeyri-mümkündür. «The Taking of Pelham One Two Three» filmi zamanla yarışan asayiş keşikçiləri ilə qəddar cinayətkarlar arasındakı qarşıdurmadan bəhs edir.

ABŞ istehsalı olan bu kriminal trilleri 1974-cü ildə rejissor Cozef Sarcend çəkib. Ekran əsərində əsas rolları Uolter Mattau, Robert Şou, Martin Bolsam və Hektor Elizondo canlandırıblar.