Ulduz desantı

XXIII əsrin sonlarında bəşəriyyət Klendatu ulduz sistemindən gələn nəhəng şüurlu həşəratların hücumu ilə üzləşir. Hərbiləşdirilmiş cəmiyyətdə tamhüquqlu vətəndaşlıq qazanmağın yeganə yolu orduda xidmət etməkdir. Məktəbi bitirən Karmen uçuş məktəbinə qəbul olur, onun sevgilisi Conni isə dəqiq elmlərdə zəif nəticələrinə görə və ailəsinin etirazına baxmayaraq piyada qoşunlarına yazılır. Onların telepatiya qabiliyyətinə malik dostu Karl isə kəşfiyyat bölməsinə göndərilir.

Connini gizlicə sevən məktəb yoldaşı Dizzi də onunla birlikdə təlim düşərgəsinə düşür. Gənclər yadplanetli həşərat ordusu ilə döyüşlər üçün ağır sınaqlardan keçir və hərbi hazırlıq görürlər. Təlimləri başa vuran əsgərlər çoxsaylı düşmənə qarşı amansız döyüş meydanına atılırlar.

«Starship Troopers» fantastik döyüş filmini rejissor Pol Verhoven çəkib. ABŞ istehsalı olan bu ekran əsəri 1997-ci ildə nümayiş olunub. Baş rolları Kasper Van Din, Dina Meyer, Deniz Riçards və Ceyk Byuzi canlandırıblar.