Betmen

Uşaq ikən valideynlərinin qətlinə şahid olan Brüs Ueyn cinayətkarlıqla mübarizəyə bütün həyatını həsr edir. Qotem şəhərində zorakılıq və qarətlər durmadan artdıqda qaranlıq küçələrdə gizli bir keşikçi peyda olur. Betmen adlı bu maskalı qəhrəman zəifləri qorumaq üçün qanunsuzluğa qarşı təkbətək savaşa başlayır.

Jurnalist Viki Veyl və reportyor Noks maskanın arxasında kimin dayandığını öyrənməyə çalışarkən şəhərdə başqa bir təhlükə yaranır. Polislə qovhaqov zamanı kimyəvi maddələrlə dolu çənə düşən cinayətkar Cokərə çevrilərək bütün şəhəri qorxu altında saxlayır. Onun planlarını alt-üst etmək missiyası isə yalnız Betmenin üzərinə düşür.

1989-cu ildə çəkilmiş bu film «Qara cəngavər» franşizasının məşhur layihələrindən biridir. ABŞ və Böyük Britaniyanın ortaq istehsalı olan ekran işinə Tim Borton rejissorluq edib. Əsas obrazları Maykl Kiton, Cek Nikolson, Kim Beysincer və Robert Vul canlandırıblar.