Ada

Hadisələr XXI əsrin ortalarında ciddi nəzarət altında saxlanılan qapalı bir sığınacaqda cərəyan edir. Bura sakinlərinə ideal bir cəmiyyət kimi təqdim olunur. Kompleksin sakinlərindən biri olan Linkoln Altı-Exo hamı kimi «Ada» adlı yerə düşmək arzusu ilə yaşayır. Qaydalara görə, bura planetdə ekoloji cəhətdən zədələnməmiş yeganə təmiz guşə hesab edilir.

Lakin çox keçmədən Linkoln yaşadığı mühitin arxasındakı həqiqətləri öyrənməyə başlayır. Tezliklə o anlayır ki, onun mövcudluğu və sığınacaqda deyilən bütün məlumatlar böyük bir yalandan ibarətdir.

«Ada» fantastik döyüş filmi rejissor Maykl Bey tərəfindən 2005-ci ildə ABŞ-da lentə alınıb. Layihənin əsas rollarında Yuen Makqreqor, Skarlett Yohansson, Cimon Honsu və Şon Bin çıxış ediblər.