Desibel

Sualtı qayıqda baş verən qəzanın və heyətin yarısının həlak olmasının üstündən bir il ötür. Həmin hadisədən sonra xidmətdən ayrılan keçmiş hərbi dəniz zabiti Kan Do-yon qəfil sirli zənglər qəbul etməyə başlayır. Naməlum şəxs şəhərin müxtəlif yerlərində partlayışlar törədəcəyi ilə hədələyir.

Quraşdırılmış əldəqayırma bombalar xüsusi mexanizmə malikdir və ətrafdakı səs-küyün səviyyəsinə reaksiya verir. İnsanların sıx toplaşdığı ictimai məkanlarda yaranan hər bir uca səs təhlükəni reallığa çevirə bilər. «Desibel» filminin qəhrəmanı partlayışların qarşısını almaq üçün bu təhdidlə üz-üzə qalır.

Cənubi Koreya istehsalı olan bu döyüş trillerini 2022-ci ildə rejissor Hvan İn-ho ərsəyə gətirib. Ekran əsərinin əsas rollarında Kim Re-von, Li Con-sok, Con San-hun və Pak Pyon-ın çəkiliblər.